Агъа СтIал-Къазмаяр СтIал Сулейманан райондин юкьван мулкара, Гуьлгери вацIун чапла къерехда, «Дербент — Кьасумхуьр» шегьредин патав экIя хьанва. Хуьр Агъа СтIалрин хуьруьн советдик акатзава. Къуншидал Герейханован хуьруьн 2-отделение, Агъа СтIалар ва Кьасумхуьр ала.
Дагъустандин меркездинни Агъа СтIал-Къазмайрин арада 178,9 километрдин мензил ава.
И хуьруьн бине Агъа СтIалрилай куьч хьайи агьалийри кутуна. 1926-йисуз хуьре 264 агьали яшамиш жезвай. Чи йикъара агьалийрин кьадар 3200-далайни алатнава.
Хуьр гьар са рекьяй еримлу хьанва, ана алай аямдин хъсан шартIар тешкилнава.
Мурад Мегьамедкеримован
«СтIал Сулейманан район: тарихдин гелерай» ктабдай.
