Украинада кьиле физвай махсус серенжемда телеф хьайи пуд аскердин экуь къаматар эбеди авунин ниятдалди Ахцегь районда мемориалдин кьулар ачухуниз талукьарнавай мярекат кьиле фена.

Субгьан Межидов, Махач Се­лимов, Агъамет Къаитмазов. Абуру пудани Ахцегьрин СтIал Сулейманан тIварцIихъ галай 1-нумрадин юкьван мектебда кIел­на. Ватанпересвилин руьгьдаллаз чIехи хьайи пуд кьегьалдини СВО-да иштиракзавай. Ватандин вилик хвавилин буржи та­мамардайла, абур пудни телеф хьана.

Абурун тIварар, баркаллу­ крар акьалтзавай несилрин ­ри­кIера хуьн патал кьегьалри кIе­лай мектебдин цлал ас­керрин экуь къаматриз бахш­навай мемориалдин кьулар ал­кIурна.

И вакъиадиз талукьарнавай мярекатда Ахцегь райондин администрациядин кьилевайбуру, мектебдин муаллимри, аялри, телеф хьайи аскеррин мукьвабуру ва масабуру иштиракна.

«Абур чи девирдин игитар я. Гуьгьуьллудаказ дяведин гьерекатриз фена ва Россиядин азадвал, аслу туширвал хуьн патал чанар къурбандна. Абур акьалтзавай несилар патал ватанпересвилин надир чешнеяр я. Чун чи кьегьалрин хизанриз алакьдай вири жуьредин куьмекар гуз гьамиша гьазур я», — лагьана мярекатдал райондин кьил Абдул-Керим Палчаева.

Чи мухбир