Алатай йисуз, кIвалериз газ тухуниз талукь яшайишдин серенжемдин сергьятра аваз, Дагъустан Республикадин зегьметдин ва яшайишдин рекьяй вилик финин министерстводин хиляй 675 агьалидив куьмек агакьна.
КIвалериз газ тухудайла, кьезилвилер талукь ватандашриз газдин тадаракар маса къачуниз, абур тайинаруниз, участокда газдин турба тухуниз ийидай харжияр патал (РД-дин Гьукуматдин 2022-йисан 6-апрелдиз акъудай 69-нумрадин къарардалди) са сеферда яз пулунин такьатар ва я газ ишлемишдай тадаракар маса къачуниз, тайинаруниз, догазификациядин кIвалахар кьиле тухуниз ийидай харжияр патал субсидия (РД-дин Гьукуматдин 2024-йисан 5-апрелдиз акъудай 95-нумрадин къарардалди) гузва.
Са сеферда яз чара ийизвай такьатар алатай йисуз 460 ватандашдиз (39,4 млн манат) гана, гьа жергедай яз СВО-дин 48 иштиракчидиз ва абурун хизанэгьлийриз. Субсидия (11,4 млн манат) 215 ватандашдив агакьна, гьа жергедай яз СВО-дин 58 иштиракчидив ва абурун хизанэгьлийрив.
«Лезги газет»
