ЦIийи йисан суварихъ галаз алакъалу ял ядай йикъар акьалтI хьана. 12-январдиз вири кIвалахал эхкъечIна.
2026-йисуз жуьреба-жуьре суваррихъ галаз алакъалу яз мад са шумуд сеферда ял ядай йикъар тайинардайвал я.
Ватан хуьзвайдан йикъан гьакъиндай 21-23-февралдиз ял яда. КIвалахал 24-февралдиз эхкъечIда.
Мартдин вацра Дишейгьлийрин йикъахъ галаз алакъалу суварин йикъар 7-мартдилай 9-мартдалди давам жеда.
Майдин суваррихъ галаз алакъалу яз, 1-3 ва 9-11-майдин йикъара ял яда.
Июндиз, Россиядин йикъахъ галаз алакъалу яз, 12-14-июнь кIвалах тийидай йикъар яз малумарда.
Халкьдин садвилин югъ къейдзавай 4-ноябрни ял ядай югъ жеда.
«Лезги газет»
