2025-йисан октябрдилай Россиядин вири пенсионеррив пенсийрин электронный шагьадатнама азаддаказ агакьзава. КьетIен QR-код алай рекъемрин и документ «Госкъуллугъар» порталдин хсуси кабинетда ава.
QR-код СФР-дин (Россиядин яшайишдин фонд) делилрин бинедаллаз гьазурзава ва ана ФИО, СНИЛС, пенсиядин жуьре, шагьадатнама къуватда жедай муддат ва сагьибдин шикил къалурзава. Гьа са вахтунда идалай вилик гайи пластикдин шагьадатнамаярни къуватда амукьзава. Гьа виликдай хьиз, агьалийривай МФЦ-дай ва я СФР-дай пластикдинбур къачуз ва я дегишариз жеда.
Электронный шагьадатнамадихъ чарчин ва я пластикдин документдихъ хьтин къуват жезва: ада пенсияда авайдан дережа тестикьарзава ва талукь тир вири кьезилвилерин патахъай ихтияр гузва.
«Лезги газет»
