Квез чидани?
Цацар алай хъалхъас хъипер Мьянмада, Таиландда, Сингапурда, Малайзияда, Малакка полуостровда, Суматра, Калимантан островра, Индонезиядинни Филиппинрин патарив гвай островра яшамиш жезва. И хъалхъас хъиперин кIеви къабухдин яргъивилел 22 сантиметр кьван жеда. Маса жуьредин бязи хъалхъас хъиперив гекъигайла, цацар алайбурун кьил са кьадар еке я. Винел патан кIарабдин къабухдин къерех тирвал хци цацар ала. Гьа и цацар себеб яз, и гьайвандин винел патан акунар тафаватлу жезва.
И хъалхъас хъипериз дагъдин михьи ятар авай гъвечIи хвалар гзаф бегенмиш я. Абур, иллаки жегьил хъипер, мукьвал-мукьвал кьураматдал экъечIда. И гьайванар экуьнихъ лап фад ва я хурушум береда гьерекатдик жеда. ТIуьн асул гьисабдай набататрикай ибарат я. Кьилди къачуртIа, векь, тарцин емишар, чилин куьлуь емишар рикI алаз неда. ГьакIни юкьван тар авачир куьлуь гьайванрал гъуьрч ийида.
ТIебиатда цацар алай хъалхъас хъипер 18-22 йисуз яшамиш жеда.
«Лезги газет»
