Цlийи Макьарин юкьван умуми образованидин мектеб Вирироссиядин «Россиядин лап хъсан 800 мектеб» выставка-конкурсдин гъалибчи хьана.
И гьакъиндай Сулейман-Стальский райондин администрациядин пресс-къуллугъди хабар гузва.
Къейд ийин, тlвар кьунвай конкурс РФ-дин сергьятра 800 лап хъсан мектеб, гимназия, лицей чирунин макьсаддалди кьиле тухвана.
И йикъара Сулейман-Стальский райондин образованидин управленидин начальник Къачабег Аминова Цlийи Макьарин мектебдин директор Жасмина Абасовадиз и агалкьун шад гьалара тебрикна ва адав диплом ва гъалибчидин сертификат вахкана. Къ.Аминова акьалтзавай несилдиз тербия, чирвилер гунин баркаллу карда гъалибчи мектебдин руководстводиз агалкьунар алхишна.
«Лезги газет»
