26-октябрдиз Мегьарамдхуьре (медениятдин кIвале) кьиб­лепатан Дагъустандин район­рин мектебра 8-9-классра  кIел­завай, хайи чIалал шиирар кхьидай алакьунар авай аялрин арада конкурс кьиле фида. 3-сеферда тухузвай и мя­рекат мергьяматлувилин «Леки» фондуни «Лезги газетдин» редакциядихъ галаз санал тешкилзава.

Конкурсда иштиракиз кIан­за­вайбуру хайи чIалал чпиз кIа­ни темадай (яшайишдикай, ватандикай, тIебиатдикай ва икI мад) шиир кхьена ва ам сегьнедилай хуралай фасагьатдиз кIелна кIанзава. Жюридин членри иштиракчийрин алакьунриз гьа и кьве кар фикирда кьуна къимет гуда.

Конкурсдин гъалибчийриз дипломарни пулдин пишкешар гудайвал я: 1-чка — 15, 2-чка — 10, 3-чка — 5 агъзур манат. 4-12-чкаяр кьур аялриз — 3 ва 13-23-чкаяр кьурбуруз 2 агъзур манатдин кьадарда аваз пулдин пишкешар гуда.

Конкурсда иштиракдай къаст авайбурувай адаз талукь суалрин патахъай телефондин 8 928-584-16-72 нумрадиз зенг ийиз жеда.

Мярекат экуьнин сятдин 10-даз гатIунда.

Чи  мухбир