Дагъустанда Украинада кьиле физвай махсус серенжемдин иштиракчияр, абурун мукьва-кьилияр патал са жерге кьезилвилер (льготы) кардик кутунва. Ихьтинбурукай сад яшайишдин догазификациядин программа я. Адан сергьятра аваз, СВО-дин иштиракчийриз, абурун хизанриз кьилдин шартIар арадал гъанва.
Мисал яз, абуруз газдин алатар маса къачун ва чилин участокда газдин турбаяр тухун патал 100 агъзур манатдин кьадарда аваз субсидия чара ийизва. Программа кардик акатайдалай инихъ ихьтин куьмек, санлай къачурла, чпиз яшайишдин кьезилвилер талукь 1827 агьалидив агакьнава. Абурукай 161 кас СВО-дин иштиракчиярни абурун мукьвабур я.
РД-дин энергетикадин ва тарифрин министерстводин векилар программадикай менфят къачуз кIанзавай СВО-дин гьар са иштиракчидиз кIвалер газдалди таъминарунин кIвалахда куьмек гуз гьазур я.
Агьмед Магьмудов
