И йикъара Махачкъаладин «Лотос» чапханада Куругъли Ферзалиеван нубатдин ктаб — «Аялар патал кроссвордар ва маса машгъулатар» — чапдай акъатна.
Ам мектебда кIелдай яшдив агакь тавунвай ва сифтегьан классра кIелзавай аялриз талукьарнава. Гьар жуьре рангаралди чIагурнавай кьелечI ктабда аялар патал жуьреба-жуьре темайриз талукь кроссвордар, сканвордар, филвордар, ребусар ва маса машгъулатар ава.
Вирибуруз малум я хьи, алай девирда бицIекар кьатIунрин жигьетдай еримлу авунин, абуруз милли чIал чирунин кардив къугъунрин тегьерда эгечIунихъ хъсан метлеб ава. Хайи чIал кIанарунилай гъейри, ребусрикай, сканвордрикай аялрин чIал гегьеншарунин, дикъет-фагьум артухарунин, зигьин хци авунин рекье хийир хкатда.
Ктаб 100 манатдай “Лезги газетдин” редакциядай маса гузва. Тел.(ватсап): 8928-560-26-17.
Чи мухбир
