Мукьвара Махачкъаладин «Мавел» чапханада алим, Дагъустандин халкьдин писатель Гьаким Къурбанан (Къурбан Халикьович Акимов) «Лезги чIалан гафарган» акъатна.
Къейд ийин хьи, и гафарган, бязи алаваяр кухтуна, кьвед лагьай сеферда чап хъувунва.
ЦIийи гафарганда урус чIалаз таржума авунвай 36500 дибдин гафар ва ибараяр гьатнава. Абур халкь рахазвайвал кхьенва, алфавитдин къайдада ганва. Авторди ктаб алимриз, гьикаятчийризни шаирриз, мухбирриз, муаллимриз, таржумачийриз, студентриз, чIехи классра кIелзавай аялриз ва туристриз теклифзава.
Гафаргандин тираж 300 экземпляр я. Ам виликамаз подписка авурбурувай Махачкъалада «Мавел» чапханадай вахчуз жеда. Маса гудай экземплярар авач.
Агьмед Магьмудов
