Чи ватанэгьли, РФ-дин фотохудожникрин союздин член Юсиф Саркарован «Гъуьрчехъанри ял язава» шикилди­ «Охота как искусство» фес­ти­валдин (ам 2025-йисан 9-август­диз Туладин областда Щёкинский райондин Ясная Поляна хуьре кьиле тухвана) сергьятра аваз тешкилай конкурсда 3-чка кьуна. Ахцегьви шикилчи РФ-дин фотохудожникрин союздин дипломдиз лайихлу хьана, адаз фестивалдин кьилин мярекатда иштиракун теклифна.

Гъуьрчехъанрин темадиз та­­лукь фотоконкурс 2025-йисан­ 16-июндилай 25-июлдалди давам хьана. Ана уьлкведин 70 ше­гьердай ва хуьрерай тир 250-далай артух пешекар ва гье­вескар шикилчийри иштиракна.

Ихьтин нуфузлу конкурсда та­фаватлу хьун чи ватанэгьли­ ус­­таддин нубатдин агалкьун я. Къуй Юсиф Къудратовичахъ чандин сагъвал ва яратмишунин рекье мадни еке агалкьунар хьурай!

Даш  Алиев