(Эвел — 2023-йисан 45-50-нумрайра, 2024-йисан 2-9, 14-15, 19-20, 22-33, 35-40, 47, 48-нумрайра, 2025-йисан 2,7, 13-15, 17-19, 21-24-нумрайра)
ГъвечIи лишан №128
Меккадин (эцигзавай) дараматар кьакьан хьун
…Къаналар — Меккадин дагъларин ва адан чилин кIаник квай тоннелар ва Замзамдин яд патал тайинарнавай чIехи турбаяр я.
ГъвечIи лишан №129
И уьмметдин эхиримжибуру адан
эвелимжибур лянет авун
Эхиримжи заманайра бидятар гзаф, эхиримжибур сифтегьанбурукай къерех жеда, абуруз аксивалда ва бязибуру гьуьрметлу асгьабрин лайихлувилер, чIехи дережаяр рикIелай алудда. Абуру [эхиримжи заманайрин инсанри] фикир тагана тада ва я рикIелай алатнавай кьасарда Аллагьди абурун [асгьабрин] гьакъиндай авунвай тарифар. Бязибуру эхиримжи несилар лянет ийида виликдай хьайибуруз и уьмметдикай. Пайгъамбарди (Аллагьдин салават ва салам хьуй вичиз) лагьайвал (мана):
«И уьмметдай тир эхиримжибуру сифтегьанбур лянет тавунмаз, Къияматдин югъ алукьдач».
«Уьммет» гафуни Мугьаммад Пайгъамбардин (Аллагьдин салават ва салам хьуй вичиз) уьммет лишанламишзава, Аллагьдиз хъсан чида!
ГъвечIи лишан №130
Санай-масаниз фидай цIийи улакьар — машинар
Эхиримжи девирдиз талукь гьаларикай ва а вахтунда пайда жедай цIийивилерикай са шумуд гьадисда гегьеншдиз хабар ганва, ва я абурай гьа вакъиайриз талукь ишараяр аквазва. Пайгъамбарди (къуй Аллагьдин патай салават ва салам хьуй вичиз) чаз базаррин кьадар артух ва вахт мукьвал жедайдакай хабар ганва… Иник бязи алимриз гьадисрай жагъанвай (гъавурда акьунвай) чи девирда гьакьван машгьур улакьарни (машинар) акатзава. Идакай имам аль-Альбаниди «ас-Сильсиля ас-сахиха»-да ва масабуруни лагьанва.
(КьатI ама. Мугьаммад ибн Абдуррагьман аль-Арифидин ктабдай).
Гьазурайди — диндин алим
Ямин Мегьамедов
