—        Гьуьлуьн кьел гзаф азаррин дарман хьиз ам хъсан массажерни я. Газетдал кьел вегьена, кьецIил кIвачерив кIур гайитIа, галатун гьасятда алатда. Са гьафтедин вахтунда, гьар нянихъ и процедура авурла, куьн инанмиш жеда.

—        Вирт хуькуьрнавай  дарчинар яш хьанвай инсанар патал гзаф хийирлу я. Ада бедендиз ­къуват гъида, рикI мягькемарда, нефес хъса­нарда.

—        Эгер инсан 15 декьикьада шехьайтIа, ­йисан къене бедендал акьалтнавай заланвал алатда.

—        Йикъа цIуд агъзур кам къачуртIа, инсан яргъалди жегьилдиз амукьда.

—        Хер хьанвай ва я канвай чка фад сагъ хъхьун патал, анал лап куьлуьз куьткуьннавай ­чи­чIекдин къаришма эцигун хъсан я.

—        Яхун инсанар куьк хьун патал чими пиводиз нек яда (сад хьтин паяр), йикъа 2 се­ферда 1-2 стакан хъвада.

—        Гатун вахтунда 10 кг гьар гьи жуьредин хьайитIани емишар ишлемишайтIа, куьн хъуьтIуьз азарлу жедач.

—        Яшар хьанвай инсанриз хурмадин кьурурнавай пешерин чай гзаф хийирлу я.

—        Гьар юкъуз са стаканда авай помидоррин миже ишлемишайтIа, иви кьери ва инсульт хьунин хаталувал тIимил жеда.

—        Азар чIугурдалай гуьгъуьниз бедендиз къуват хтун патал са стаканда авай цIранвай муркIа­дин (талая) цик хуьрекдин кьве тIуруна авай партахалдин (апельсин)  миже, 1/3 чайдин тIуруна авай кьел вири сад-садак какадарна, йикъа кьве сеферда са стаканда авайди ишлемишда.

—        Туьтуьнин хтунин цIума­руфрик (щито­вид­ная железа) азар акат тавун патал гьазур­завай хуьрекрик гьамиша йод квай кьел кутун лазим я.

—        Дамарра ивидин гьерекат къайдадик кухтун ва куьлуь дамарар михьи авун патал са килограмм чIухлумпIрал гьа икьван шекер вегьена, хъсандиз тIур яда. Ахпа йи­къа пуд сеферда чайдин са тIуруна авайди ишлемишда.

—        Кьулан тарцин грыжа авайла, ксудалди вилик анин кIараб­ри­вай пихта тарцин ягълу гуьцIда, ахпа а чкайрал виртIедик какадарнавай мелгьем (мумиё) эцигда.

—        Шекердин азар авайбуруз дарчинар квай чай гьар юкъуз хъун меслят къалур­зава.

—        ДуркIунра къванер ва къум авайла, гьар са кишмишдин къене чIулав истивутдин хар туна, 2 вацран къене гьар юкъуз вад кишмиш ишлемишда.

—        Мукьвал-мукьвал кьил элкъвез хьайитIа, лацу кьил чичIек як регъведай машинкадай авадарда. Са стаканда авай (250г) регъвенвай чичIек­диз 250 г вирт яна, хъсандиз хуькуьрда. Ахпа йикъа пуд сеферда, фу нез зур сят амайла, хуьрекдин са тIуруна авайди, пуд лагьай тIур ксудалди вилик­ ишлеми­шай­тIа хъсан я.

—        Хамуник цIарнах (экзема) квайла, йикъа 2-3 сеферда фу тIуьрдалай гуьгъуьниз михекрин цуькведин са тIур ишлеми­шай­тIа, экзема яваш-яваш михьиз квахьда.

—        Хамуник азар квайла, гьар юкъуз чичIек ва серг ишлемишун меслят къалурзава. Абуру микробар рекьизва, иви михьи ийизва ва гьакIни санлай бедендин гьал хъсанарзава.

—        Мекьивилелай азарлу хьанвайла, кIерецдин хехвер, кишмишар, кьурурнавай машмашдин патар гьар сад 0,5 кг ва гьакIни чкалар аламай, цилер хкуднавай 4 лимон як регъведай машиндай авадарна, хъсандиз тIур яна, банкадиз вегьена, холо­диль­никда хуьда. Ахпа гьар юкъуз хуьрекдин са тIуруна авайди тIуьн тIуьр­далай гуьгъуьниз ишлемишда.

—        Диатез  авай аялриз къацу ичиникай куьмек жеда. Ич са сутка­да морозильникда эцигда, ахпа ам авагъар хъувуна, аялдив нез та­да. Гьа икI са вацран вахтунда. Ич анжах къацуди хьун лазим я.

—        Кьилин мефтIедин дамаррин гьерекат йигин хьанвайла, йикъа пуд сеферда хуьрекдин са тIуруна авай чIухлумпIрик чайдин са тIуруна авай вирт хуькуьрна неда.

—        Сивяй пис ял татун патал хуьрекдин 2 тIуруна авай некьийрин пешерал 2 стаканда авай ргазвай яд илична, 15 декьикьада къалпагъ  алай катулда тада. Ахпа ам куьзна, фу тIуьрдалай кьулухъ сиве экъуьр­да.

Гьазурайди — Надият Велиева