Вичиз кьван дерт авачир девдевни авач.

Гъавурда тун регьят я, гъавурда гьат тавун — еке гуж.

Демократия кьецIиди хьана.­

Къайгъуйри чуру рехи ийи­­да, хажалатди — кьил.

Къанунри кIвалах тийизвайла, тахсиркарвилер гзаф же­да­­.­

Гьахъ ава, дуван авач.

Гьахъ авай чкада адалатни жеда.

Гьахъ винел акьалтдалди, ламран тум чилик хкIада.

Гьахъ вири авайвал къалурзавай гуьзгуь я.

Гьахълувал жагъурун гзаф яргъал фида.

Гьахъ гафунихъ тIямни ава, къуватни.

Гьахъ гвай инсандин бармакдин кIукI акъатда.

Гьахъ гвайдаз дустар тIимил жеда.

Гьахъ жагъидалди, кесибдин чан туьтуьниз акъатда.

Гьахъ патал женгиниз кьегьа­лар экъечIда.

Гьахъ патал кьил тIарна кIанда.

Гьахъ —  хандиз ваъ, халкьдиз герек я.

Гьахъ рахайдахъ лаш галукьда.

Гьахъ гьар са инсандин рикIе кIанда.

Гьахъ чилик кутун патал перер бес жедач.

Гьахъ я вацIу тухудач, я гьуьле батмиш жедач.

Гьахълувал еке къанун я, эгер адал амал ийиз хьайитIа.

Гьахълудан чан батIулви­лихъ галаз женг чIугваз акъатда­.

Гьахълу гаф туькьуьлди же­да.

Гьахълу инсандин винел регъв регъведа.

Гьахълу касдихъ девлетар жедач.

Гьахълувал гьамиша ба­гьадаказ гьатда.

Гьахълувал вири дуьньядин терез хьун лазим я.

Гьахълувал къизилдилай ба­гьа я.

Гьахълувал уьлкведин секинвал, саламатвал я.

Гьахълувили нур гуда, гьахъ­­сузвал сериндик, далдадик чуьнуьх жеда.

Гьахълувилин рехъ — гуь­тIуь, гьахъсузвилин рехъ гьяркьуь жеда.

Гьахъни нагьахъ са суфрадихъ туькIуьдач.

Гьахъни, пул хьиз, хирде же­да.

Гьахъунихъ къекъведайдаз гьахъ жагъидалди, чан туьтуьниз акъатда.

Гуж ракIарай атайла, гьахъ гурмагъдай акъатда.

Гьахъ авачирдаз ачух чинни авач.

Гьахъ чуьнуьхиз хьайи­тIа­­ни, квадариз жедач.

Гьахъни нагьахъ алцумдай терезар цаварал алач, чилерал инсанрив гва.

Гьахъунизни и пад, а пад авайди я.

Гьина законар гьахълубур­ ятIа, гьана халкьни бахтлу я.

Гьина законар къуватда ава­тIа, гьана гьахъни ава.

Гьахъ жагъурун патал са­ шумуд шаламар кукIварна кIан­да.

Гьазурайди — Шихмурад Шихмурадов