СтIал Сулейманан райондин администрациядин пресс-къуллугъди хабар гузвайвал, Ватандин ЧIехи дяведин иштиракчидин хендеда Мапери Жабраиловадив кIвал маса къачун патал и йикъара субсидиядин шагьадатнама вахкана.
Райондин кьил Саид Темирханова ва УСЗН-дин директор Жавидин Бремова, сертификат вахкудайла, Мапери Мингьажудиновнадин тIварунихъ чими келимаяр лагьана, адахъ мягькем сагъвал, хизанда хушбахтлувал ва яргъи уьмуьр хьун алхишна. Сертификатдин такьатри яшайишдин шартIар хъсанариз, ам ва багърияр патал къулайвал тешкилиз куьмек авунин умудлувал къалурна.
Дагъустандин зегьметдин ва яшайишдин рекьяй вилик финин министерстводи чара ийизвай сертификатри агьалийрин кьилдин къатариз куьмекзава, гьа гьисабдай яз, чеб кьетIен дикъет гуниз ва къайгъударвал авуниз лайихлу тир женгерин вакъиайрин ветеранарни кваз. Гьукуматдин куьмекди неинки абуруз яшайишдин кIвалин шартIар хъсанариз куьмекзава, гьакIни Ватан хуьнин кардик чIехи пай кутур ксар рикIелай ракъур тавунин важиблувал къалурзава.
Саид Темирханова къейд авурвал, кьилел ислягь цав хьун патал чпин чанар къурбанд авур несилрин вилик хиве авай жавабдарвал рикIелай ракъурна кIандач. Уьлкве душмандикай хуьн патал къуллугъ кьиле тухвайбур ва хвейибур, гьакI абурун хизанар патални гьукуматди лайихлу уьмуьр ва къайгъударвал заминламишзава.
Чи мухбир
