И йикъара Махачкъалада «Лезги газетдин» кьилин редактордин заместитель, лезги чIалан са шумуд ктабдин автор Куругъли Ферзалиеван нубатдин ктаб — «Тапшуругърин кIватIал №2» — чапдай акъатна.
Юкьван ва чIехи классра кIелзавайбурухъ лезги чIалайни эдебиятдай авай чирвилер ахтармишунин, абур конкурсриз, олимпиадайриз ва имтигьанриз гьазурунин рекье куьмек жедай и кIватIалда жуьреба-жуьре тапшуругъар ва абурун жавабар ава.
Къейд ийин, алатай йисуз сад лагьай «Тапшуругърин кIватIал» акъатнай. Кьвед лагьай кIватIалда шазанда авай тапшуругъар тикрар жезвач — цIийиди цIийи тапшуругърикай ибарат я.
Ктабдикай неинки мектебда кIелзавайбурувай, гьакI муаллимривайни, хайи чIалални эдебиятдал рикI алайбурувайни менфят къачуз жеда.
С. Салимов
