Бес кьадарда ава
2025-йисан тумар цадай ва бегьер кIватI хъийидай кампанияр кьиле тухун патал хуьруьн майишатдин техникадин парк бес кьадарда ава. Идакай «Агроэксперт» сайтда хабар гузва.
РФ-дин хуьрьун майишатдин министерстводин гьисабралди, алай вахтунда Россиядин аграрийрин гъиле кIвалахун патал 570 агъзур уьлчме тракторар ва комбайнияр ава. Къейдзавайвал, техникадин и кьадар 2025-йисан тумар цадай ва бегьер кIватI хъийидай кампанияр агалкьунралди кьилиз акъудун патал герек тир игьтияжрив тамамдиз кьадайди я.
Ведомстводи хабар гузвайвал, 90 процентдилай гзаф техника чуьллера гатфарин кIвалахар кьилиз акъудун патал гьазурнава — им, алатай йисан и муддатдин дережадив гекъигайла, виниз тир рекъем я.
С гепатитдиз чкадин дарман
РФ-дин здравоохраненидин министерстводи С гепатит сагъардай чкадин «МНН Гразопревир+элбасвир» цIийи дарман регистрация авунва. Идакай ведомстводин телеграм-каналди хабар гузва.
Къейдзавайвал, и дарман таблеткайрин кIалубда аваз, пленкадин хъуьруьшда авай 100 мг + 50 мг кьадарда аваз (дозада) акъудда. Ам уьмуьр патал чарасузбур ва лап важиблубур яз гьисабнавай дарманрин сиягьдик кутунва. Ам рецептдалди гузва.
Телеграм-каналди гьа са вахтунда раижзавайвал, «Давамлу ва активный уьмуьр» милли цIийи проектдин сергьятра аваз, С гепатитдихъ галаз женг тухунин ва ам чукIунин къурху жезмай кьван тIимиларунин мярекатар уьмуьрдиз кечирмишзава.
Июлдилай вилив хуьзва
Россияда картуфринни салан майвайрин къиметар, июлдин вацралай гатIунна, ужуз хьун вилив хуьзва. Идакай «Агроэксперт» сайтда хабар гузва.
РФ-дин хуьруьн майишатдин министр Оксана Лута къейдзавайвал, виликамаз кьунвай гьисабунралди, цIи картуфар, алатай сезондив гекъигайла, 10 агъзур гектардин гзаф цада. Салан майваяр лагьайтIа, — 6,8 агъзур гектардин (яни абур цун алай йисуз 6,8 агъзур гектардин артухарда). Салан майвайрин ва фад битмиш жедай картуфрин сифте бегьерар июндин эхирра гъилиз къведа, гьаниз килигна, къенепатан базарда салан майвайрин ва картуфрин къиметар июлдин вацралай ужуз хьун вилив хуьзва.
Министрди рикIел хкайвал, 2024-йисуз, гьавадин шартIар себеб яз, тешкиллу сектордай кIватI хъувур картуфрин бегьер 7,3 миллион тонндиз барабар хьанай. Им, адалай виликан рекъемдив гекъигайла, 1,3 миллион тонндин тIимил я. Къейдзавайвал, гьа са вахтунда алатай йисуз кIватI хъувур 7,3 миллион тонн — им эхиримжи вад йисан кьадардин юкьван дережа я.
2023-йисуз картуфрин лап еке бегьер хьанай. Гьа са вахтунда хабар гузвайвал, 2023-йисуз Россияда картуфрин къиметар лап агъуз аватнай, абур гьасилунал машгъул жезвай ксари чпин метягь жуваз акъваззавай къиметдилай ужуз маса ганай. ИкI, жуваз акъваззавай къимет 15 манат яз, 7 манатдай маса ганай. Гьаниз килигна, суьгьбетчидин гафаралди, 2023-йисав гекъигайла, 2024-йисан, 2024-йисан эхирдин, гьакIни цIинин къиметар винизбур я.
Гьазурайди — Муса Агьмедов
