РД-дин Гьукуматдин Председателдин заместитель Ризван Гъазимегьамедов кьиле аваз Дагъустандин гьукумдин органрин векилрикай ибарат делегация 19-майдиз Азербайжандиз мугьман хьана. Абурун арада РД-дин экономикадин ва мулкар вилик тухунин министр Гьажи Султанов, карчивилин ва инвестицийрин Агентстводин кьил Гьажимурад Исрапилов, транспортдин ва рекьерин майишатдин министрдин заместитель Саид Рамазанов, экспорт вилик тухунин Центрадин регьбер Руслан Абаскъулиев ва Бакуда Дагъустандин Векил Алияр Абдуллаев авай.
Къецепатан уьлкведиз мугьман хьайи сад лагьай юкъуз республикадин делегацияди Азербайжанда РФ-дин Президент Владимир Путинан патай тамам ихтиярар ганвай Векил Михаил Евдокимовахъ галаз гуьруьш кьиле тухвана.
20-майдиз делегация Азербайжандин экономикадин рекьяй вилик финин министрдин заместитель Эльнур Алиева кьабулна. Гуьруьшдал Дагъустандинни Азербайжандин арада алишверишдин, инвестицийрин, промышленностдин, гъвечIи ва юкьван карчивилин хилер вилик тухуниз, амадагвилин алакъаяр мягькемаруниз талукь месэлаяр веревирдна.
Гегьеншдиз РД-дин Гьукуматдин сайтдай кIелиз жеда.
Чи мухбир
