РД-дин Гьукуматдин Председатель Аб­­дулмуслим Абдулмуслимова 12-13-­ ­майдиз кьабулнавай къарарралди рес­­публикадин гьукумдин кьве ведомст­водин кьилерин цIийи заместителар тайинарна.

ИкI, РД-дин энергетикадин ва тариф­рин министрдин статс-секретардин — за­мес­тителдин везифаяр Осман Садудинович Агьмедовал ихтибарнава.

Виликдай ада РД-дин эцигунрин, архитектурадин ва ЖКХ-дин министерство­да управленидин начальник яз кIва­лах­завай.

Къейд ийин хьи, О. Агьмедован бине Казбек райондин Дылым хуьряй я.

РД-дин информациядин ва печатдин Агентстводин кьилин сад лагьай заместитель яз Рустам Муратович Джалаков тайинарнава.

Виликдай ада «Дагъустан» этно­ме­диа­холдингда конвергентный редакциядин начальник яз кIвалахзавай.

Р. Джалакован бине Буйнакск шегьердай я. Виликдай ада РД-дин информа­циядин ва печатдин министрдин 1-замес­тителдин везифаяр тамамарнай.

Чи мухбир