Дагъустандин Яшайишдин фондунин малуматда хабар гузвайвал, респуб­ликада яшамиш жезвай 13 касдиз — Ватандин ЧIехи дяведин 6 ветерандиз ва 7 иштиракчидиз — Гъалибвилин 80 йис тамам хьунин суварин сергьятра аваз, са сеферда гузвай «пишкеш» яз, 10 агъзур манат гана.

РикIел хкин: пулдин такьатар гун РФ-дин Президентдин Къарардалди кьилиз акъудзава. Ам гузвайбурук акатзава: Ватандин ЧIехи дяведин ветеранар, иштиракчияр, яни дяведин йисарин вакъиайра иштиракайбур, гьа гьисабдай яз военный рекьяй къуллугъчияр, партизанар, подпольщикар, Ленинград хвейибур.

Малуматда мадни хабар гузвайвал, пулдин такьатар гунин шар­тIарик акатзава: РФ-дин агьали хьун, гьамишалугъ яз Россияда ва Прибалтикадин уьлкведа яшамиш хьун. Пул пенсиядихъ галаз гузва.

Къейд. Россиядин Пенсийрин Фондунин Дагъустанда авай отделенидин пешекарри меслят къалурзавайвал, яша­йишдин месэлайрай (пенсия, аялдин по­со­бие дуьз тайинарнавани, авачни ва амай вири суалриз талукь яз жавабар) квевай­ СФР-дин сайтдай, районра кардик квай пенсийрин отделенийрай (абуру ислендилай хемисдалди — пакаман сятдин 9-далай нянин сятдин 6-далди ва жуьмядиз пакаман сятдин 9-далай нянин сятдин 5 тамам жез 15 декьикьа амай вахту­налди кIвалахзава), гьакIни гьафтедин кIва­­лах­дин винидихъ къалурнавай йикъа­ра­ ва ­сятера, телефондин 8-800-100-00-01 нумрадиз зенгна (зенг пулсузди я), чириз ­жеда.

Чи  мухбир