Лезги чIалайни эдебиятдай цIи, ругуд лагьай сеферда яз, «Лезги газетдин» редакцияди, мергьяматлувилин «Леки» фондуни ва ФЛНКА-ди СтIал Сулейманан райондин Эминхуьре кьиле тухвай республикадин дережадин гегьенш олимпиадади хайи чIалал рикI алай, адан патахъай къайгъу чIугвазвай хейлин ксар кIватIна. И юкъуз кьве мярекат санал тешкилна — 10-классра кIелзавайбурун арада хайи чIалайни эдебиятдай олимпиада ва хайи чIаланни эдебиятдин муаллимрин арада сад лагьай конкурс.
Санлай къачурла, цIи олимпиадада 57 аялди иштиракна: СтIал Сулейманан, Мегьарамдхуьруьн, Ахцегь, Докъузпара, Кьурагь, Хив, Дербент районрин ва Дербент шегьердин мектебрай.
Нетижада 1-чкадиз Мегьарамдхуьруьн райондин Къуюстанрин мектебдин ученица Диана Яралиева лайихлу хьана (муаллим – З. Алиметова). 2-чка Мегьарамдхуьруьн райондин Хожа-Къазмайрин мектебдин ученица Алия Гьамзабеговади (муаллим – М. Рамазанова) кьуна, 3-чка – Докъузпара райондин Усугъчайдин мектебдин ученица Алина Бейтуевади (муаллим – С. Меликова), 4-чка – СтIал Сулейманан райондин НуьцIуьгърин мектебдин ученик Саид Мегьамедкеримова (муаллим – Ш.Батов), 5-чка – СтIал Сулейманан райондин ЦIийи Макьарин мектебдин ученица Фатима Къайибовади (муаллим – Р. Идрисов), 6-чка – Мегьарамдхуьруьн 2-нумрадин мектебдин ученица Диана Хаспулатовади (муаллим – Ф.Мирзегьасанова), 7-чка – Мегьарамдхуьруьн райондин Уружбайрин юкьван мектебдин ученица Марина Керимовади (муаллим – Р. Османова), 8-чка – Мегьарамдхуьруьн райондин Кучун-Къазмайрин мектебдин ученица Амина Агъаметовади, 9-чка – Мегьарамдхуьруьн райондин КьепIир-Къазмайрин мектебдин ученица Хадиджа Гьажиевади (муаллим – З. Эмирханова), 10-чка – Докъузпара райондин Миграгърин мектебдин ученица Айида Къарибовади (муаллим – Ю. Уружева), 11-чка – СтIал Сулейманан райондин Эминхуьруьн мектебдин ученица Каролина Аликберовади (муаллим – Ж. Жигерова), 12-чка – СтIал Сулейманан райондин Агъа СтIал-Къазмайрин мектебдин ученица Фейруза Рамазановади (муаллим – Э. Фатагьова), 13-чка – Кьурагь райондин КIирийрин хуьруьн мектебдин ученик Эсед Азизова (муаллим – С. Абдуллаева), 14-чкаяр – Мегьарамдхуьруьн 1-нумрадин мектебдин ученица Алина Мегьамедовади (муаллим – Р. Гьажиева), Докъузпара райондин ЦIийи-Каракуьредин мектебдин ученица Фаина Эмирчубановади (муаллим – С. Эюбова), 15-чка – Докъузпара райондин Авадан хуьруьн мектебдин ученица Мегьрибан Алиевади (муаллим – И. Абдулаева).
Тафаватлу чирвилер къалурайбурув ва абурун муаллимрив дипломар, пулунин пишкешар ва ктабар шад гьалара вахкунин мярекатда ФЛНКА-дин президент Васиф Гьасанова, «Лезги газетдин» кьилин редактор Мегьамед Ибрагьимова, РД-дин жегьилрин крарин рекьяй министрдин заместитель Фарман Меликова, писатель, филологиядин илимрин кандидат Абил Межидова, «Леки» фондунин векил Руслан Мегьдиханова, Ахцегь, СтIал Сулейманан, Кьурагь районрин администрацийрин образованидин управленийрин начальникри ва масабуру иштиракна.
Кьилди къачуртIа, 1-чкадай 30 агъзур манат пул гана, 2-чкадай – 25 агъзур манат, 3-чкадай – 20 агъзур манат; 4-чкадай – 18 агъзур манат; 5-чкадай – 16 агъзур манат; 6-чкадай – 14 агъзур манат; 7-чкадай – 12 агъзур манат; 8-чкадай – 10 агъзур манат; 9-чкадай – 8 агъзур манат; 10-чкадай – 6 агъзур манат; 11, 12, 13, 14, 15-чкайрай – гьар садаз 5 агъзур манат.
1-чка кьур ученикдин муаллимдиз – 10, 2-чка кьур ученикдин муаллимдиз – 8, 3-чка кьур ученикдин муаллимдиз – 6, амай 13 ученикдин муаллимриз гьар садаз 5 агъзур манатдин кьадарда аваз пулунин пишкешар гана.
Лезги Фетгьуьллагь
