Хайи чIалан муаллимрик гьевес кутунин, абурун арада чIал мадни машгьурунин макьсаддалди олимпиададин тешкилатчийри­ алай йисуз муаллимрин арада, сад лагьай сеферда яз, лезги чIа­лайни эдебиятдай конкурс кьиле тухун кьетIнава. Олимпиададин сергьятра аваз, и конкурсни 20-апрелдиз Эминхуьруьн мектебда кьиле фида.

Конкурсда чпи лезги чIаланни эдебиятдин тарсар гузвай, ашкъи авай гьар са муаллимдивай иштиракиз жеда. Виридалайни гзаф баллар къазанмишдай 3 муаллим патал пулунин пишкешар тайинарнава: 1-чкадай – 30 агъзур манат, 2-чкадай – 20 агъзур манат, 3-чкадай – 10 агъзур манат.

Конкурс сятдин 10-даз гатIунда.

Тешкилатчияр