Пака, 20-мартдиз, республикадин премьер-министр Абдулмуслим Абдулмуслимов РД-дин Халкьдин Собранидин вилик Дагъустандин Гьукуматди 2024-йисуз кьиле тухвай кIвалахдиз талукь гьахъ-гьисабдин доклад гваз рахада.
Къейд ийин хьи, региондин Конституциядин бинейрал асаслу яз, гьар йисуз Гьукуматдин Председателди алатай йисуз министррин кабинетди кьиле тухвай кIвалахрин нетижаяр кьазва. ЦIи А. Абдулмуслимов республикадин парламентдин депутатрин вилик гьахъ-гьисабдин доклад гваз пуд лагьай сеферда экъечIда.
Кьилди къачуртIа, республикадин премьер-министрди Дагъустан яшайишдинни экономикадин жигьетдай вилик финин, СВО-дин иштиракчийриз ва абурун хизанриз куьмекар гунин, экономика дурумлу авунин, яшайишдин дурумлувал хуьнин ва са жерге маса месэлайрин гьакъиндай кьиле тухвай кIвалахрикай, кьабулай серенжемрикай, къазанмишай агалкьунрикай рахада.
Мярекат экуьнин сятдин 10-даз гатIунда.
«Лезги газет»
