ЦIи «Лезги газетдин» редакцияди муьжуьд лагьай сеферда Махачкъала ва Каспийск шегьерра кIелзавай аялрин арада лезги чIалай олимпиада кьиле тухуда.

Къейд ийин хьи, алатай йиса­лай гатIунна, олимпиададин­ пулдин пишкешрин кьадар артухарнава. Эгер икьван­ чIавалди сифтегьан 3 чка кьур аялриз 5, 3, 2 агъзур манатдин­ кьадарда аваз пулдин пиш­ке­шар гузвайтIа, шазалай га­тIун­на, кIвенкIвечи чкайриз лайих­лу хьайи 5 аялдиз 10, 8, 5, 4, 3 агъзур манатдин кьадарда авай пишкешар чара ийида. Абурун муаллимрин ала­хъу­нарни 3 агъ­зур манатдин кьадарда аваз пулдин пишкешар гуналди­ къейдда.

Олимпиада 6-классра кIел­за­вай аялрин арада тешкилзава. Кьилин шартI — гьар са мектебдай «чирвилерин акъажунра» анжах са касдивай иштиракиз жеда. Олимпиада 15-февралдиз Каспийск шегьерда авай республикадин образованидин­ центрада кьиле фида ва ам экуьнин сятдин 10-даз гатIунда.

Чи мухбир