Дидед чIалан международный йикъан сергьятра аваз, 22-февралдиз Алкьвадар Гьасанан тIварцIихъ галай медениятдинни марифатдин центради «Лезги газетдин» редакциядин куьмекдалди Дербент шегьердин мектебра 6-классра кIелзавай аялрин арада лезги чIалайни эдебиятдай олимпиада кьиле тухуда.

Мярекат Дагъустандин  халкьдин шаир СтIал Сулейманан тIварцIихъ галай 21-нумрадин мектебда тешкилда ва ам экуьнин сятдин 10-даз гатIунда. Олимпиадада гьар са мектебдин патай анжах са аялдиз иштиракдай мумкинвал ава.

Сифте 5 чка кьур аялриз 10, 8, 5, 4, 3 ва абурун муаллимриз­ 3 агъзур манатдин кьадарда аваз пулдин пишкешар гуда. Идалай гъейри, гъалиб хьайибу­рун алакьунар дипломралдини лезги шаиррин ктабралди къейдда.

Чи мухбир