МФЦ-дин идарайра СВО-дин иштиракчийрилай ва я абурун хизанрилай чилин участок къачунин нубатда акъвазунин гьакъиндай арзаяр кьабулзава. Идакай чаз МФЦ-дин кьилин пешекарри хабар гана.

Чилин участок къачуз жедайбурукай ва бязи истемишунрикай и мукьвара РД-дин чилин ва эменнидин алакъайрин рекьяй министерстводинни МФЦ-дин пешекаррин иштираквал авай махсус совещанидал рахана.

Малум хьайивал, чил къачуз жедайбурук акатзава: военный къуллугъчияр; милли гвардиядин кьушунра къуллугъзавайбур ва полициядин махсус чинер авайбур; РФ-дин Яракьлу къуватрин хиве авай тапшуругъар тамамаруниз куьмек гузвай гуьгьуьллубурун жергейрик экечIун патал икьрар кутIунайбур.

Чилин участок къачун патал СВО-дин иштиракчийривай ийизвай истемишунар ихьтинбур я:

— женгерин гьерекатрин ветеран я лагьай дережа;

— РФ-дин Игитдин тIвар ва я СВО-да къалурай агалкьунрай ганвай орденар;

— идалай вилик государстводи гайи чилин участок авачиз хьун.

МФЦ-диз арза вугун­ патал герек тир доку­мент­­рин сиягь:

 паспорт;

 женгерин гьере­кат­рин ветеран я лагьай сад тир чешнедин  шагьадатнамадин копия;

 РФ-дин Игитдин тIвар тестикьарзавай ва я СВО-да къалурай агал­кьунрай гайи орденрин документрин копияр;

 СВО-да иштиракзавайвилин гьакъиндай шагьидвалзавай документ­рикай садан копия;

 икьрар (аваз хьайитIа);

 частунин, подразделенидин, штаб­дин, органдин ва я маса дестедин командирдин (начальникдин) приказдай выписка (справка);

 СВО-да иштиракунихъ галаз алакъалу яз хер, тIарвал хьанвайвилин гьакъиндай медицинадин справка;

 яшамиш жезвай чкада регистрация авайди тестикьарзавай документ­рин копияр.

«Лезги газет»