МВД-дин хроникадай
2024-йисан 9-декабрдилай 22-декабрдалди Дагъустандин мулкара улакьар гьалзавайбуру рекьерин къайдайрал амал тавунин нетижада 54 авария арадал атана. И дуьшуьшрикди 11 кас телеф хьана, 77 касдал — хирер.
РД-дин МВД-дин Госавтоинспекциядин малуматралди, хирер-кьацIар хьайибурун арада сагъламвилиз гзаф зарар хьайибурни, бедендиз са акьван хасаратвилер тахьайбурни ава.
Полициядин къуллугъчийри дагъустанвийризни мугьманриз рекьерин гьерекатрал амал авуниз мад сеферда эвер гузва.
Гьакъикъатдани, машинар гвай хейлин ксари рекьера къайдаяр чIурзавай дуьшуьшрин шагьидар жезва чун. Улакьар гьалзавайбуру са гъвечIи гъалатIдиз рехъ гуникди инсанрин уьмуьрар кьатI жезва, тахсир квачирбурун кьилелни бедбахтвилер къвезва. Жув ва багърияр хуьх!
«Лезги газет»
