Мусанг
Шикилдай аквазвай гьайван нек хъвадайбурук акатзава. Азиядин бязи мулкара яшамиш жезвай и гъвечIи гьайвандин бедендал 48-59 сантиметр ала. Заланвал 2,5-4 килограммдикай ибарат жеда.
Мусангар тропикрин тамара гьалтзава. И жинсинин маса гзаф гьайванар хьиз, мусангни анжах йифен уьмуьр кьиле тухузвай вагьши я. Йикъан вахтунда ам тарарин хилерал ва я хъалхъамра ксузва.
Мусангри кьифер, къушарин какаяр, емишар ва кофедин тарарин емишар незва. ГьакIни абуру гъвечIи къушарал, гьайванрал ва гьашаратрал гъуьрч ийизва. Итижлу делилрикай сад ам я хьи, дуьньяда виридалайни багьабурукай яз гьисабзавай кофедин «Копи Лювак» сорт мусангдин цIимилар я.
И гьайвандин пидикай чахутка азар сагъарун патални менфят къачузва.
«Лезги газет»
