«Газпром межрегионгаз Махачкала» ООО-ди Дагъустан Респуб­ликадин агьалийриз газ ишлемишунай хьанвай буржар 10-декабр­далди  вахкуниз эвер гузва. Дагъустан газдалди таъминарзавай идаради  ишлемишнавай газдин гьакъидиз талукь гьахъ-гьисабар вахтунда авун чарасуз тирди рикIел хкизва.  Газдин гьакъи вахтунда тагун себеб яз, еке буржар кIватI хьанвайбуру йисан эхирдалди абур вахкун лазим я.

И кар къулайдаказ, гьатта кIвалин къеняй экъечI тавуна, кассайрин кьилихъ учирра акъваз тийиз, кьилиз акъудун патал гьакъи интернетдин куь­мекдалди,  арада мензил аваз, гудай къайдаяр туькIуьрнава. ИкI, газдин  гьакъи  гун патал  «Газ Онлайн»  ва «Мой Газ» приложенийрикай, гьакI­­ни идарадин www.mkala-mrg.ru  сайтда авай «Абонентдин хсуси кабинетдикай» менфят къачуз жеда.

«Хсуси кабинетда»  муьштеридивай  счетчикдин делилар  агакьариз ва ишлемишнавай газдин гьакъи комиссия галачиз гуз жезва. «Хсуси кабинет» ишлемишун кьил акъу­дун патал асантди я. И къайдади муьш­теридин вахт кьенятзава — ам санизни фин лазим жезвач. Чна квез хуьрера, районра  яшамиш жезвай яшлу диде-бубайрин, мукьва-кьилийрин, я тахьайтIа, кирида вугузвай кIвалера ишлемишзавай газдин гьакъини и къайдада гун меслятзава. «Хсуси­ кабинет» ишлемишзавай са касдивай лицевой са шумуд счетдай гьакъи гуз жезва. «Хсуси кабинет», гьакIни  «Газ Онлайн»  ва «Мой Газ» приложенияр республикадилай къеце яшамиш жезвай, гьа са вахтунда чпин газ иш­лемишзавай кIвалер авай ксар па­тални къулайбур я. Еке буржар рикIиз такIан жедай кардиз элкъвен тийидайвал, чпин кIвачихъ къвезвай гьакъидин кьадар ихьтин ксаривай «Хсуси кабинетда» гуьзчивилик хуьз жезва. Къейд ийин, республикадин газ ишлемишзавай гьар кьуд лагьай агьалиди «Хсуси кабинетдин» къулай къайдадикай менфят къачузва.

Газ ишлемишзавай ксар патал «Газпром межрегионгаз Махачкала» ООО-да гьакIни «Контакт центра­дин» кIвалах тешкилнава. Пулсузда­каз­ зенг ийиз жедай  8-800-200-98-04 нумрадай абонентривай чпел хьанвай­ буржарин кьадар чириз, гьакI­ни абурухъ галаз алакъалу тир амай маса вири суалризни жавабар жагъу­риз жеда.

Эгер ЖКХ-дин къуллугъар ишлемишунай хьанвай буржар вахтунда вахкун тавуртIа, вуч жеда? Буржлу тир ксарин аксина ишлемишзавай сад лагьай серенжем гьакъи тагайдалай кьулухъ алатай 31 йикъалай  адал «кьил», яни пеня атун я.  91-йикъалай пенядин кьадар мадни гзаф жезва.

Идалайни гъейри, буржар алай ксар къуллугърикай магьрумдай ихтияр ава, кьве вацралай гзаф вахтунда гьакъи тагай ксарин аксина ишлемишдай серенжем яз. Мад са серенжем — къецепатан уьлквейриз  фидай ихтиярдикай магьрум авун. Амай крар суддин къарардихъ галаз алакъалу я. Нетижа:  коммунальный къуллугърай жезвай буржар, гьикI хьайитIани, вахчузва. Гьаниз килигна, судариз аватдалди (бурж мадни еке жедалди), тIимил-тIимил хьайитIани вахкайтIа, хъсан я.

Саида  Мурадова