Алай йисан сад лагьай паюна Дагъустан Республикадин чилер хуьнин ва абурукай менфят къачунин рекьяй государстводин инспекторри чилериз талукь къанун чIурнавай 320 дуьшуьш винел акъуднава. Идакай “Лезги газетдиз” РД-да авай Росреестрдин Управленидин пресс-къуллугъди хабар гана.

Санлай къачурла, 651 ахтармишун кьиле тухвана. Абурукай чилериз талукь къанун чIурнавай дуьшуьшри 70 процент тешкилзава. ИлитIнавай жермейрин кьадардикай рахайтIа, ам 9 миллион манатдиз барабар я.

Кьиле тухвай ахтармишунрин нетижада 129 дуьшуьшда тайин хьайи къанунсузвилер арадай акъуднава.

«Лезги газет»