Буркина-Фасодикай итижлу делилар
. Буркина-Фасо РагъакIидай патан Африкадин уьлкве я. Меркез — Уагадугу.
. ХIХ асирдин эхирра и уьлкведин мулкар Францияди колонизация ийиз башламишна.
. 1984-йисалди и уьлкведиз Верхняя Вольта лугьузвай.
. Чкадин чIалай таржума авурла, уьлкведин тIварцIихъ «адалатлу инсанрин уьлкве» лагьай мана жезва. «Фасо» гаф «республика, уьлкве» лагьай чIал жезва.
. И уьлкведиз Малидихъ, Нигердихъ, Бениндихъ, Тогодихъ, Ганадихъ галаз сергьят ава.
. Уьлкведин умуми майдан 274200 квадратный километрдикай ибарат я.
. Буркина-Фасода 20,8 миллион кас яшамиш жезва.
. И уьлкве Африкадин лап кесиббурук акатзава.
. Анин 10 агьалидикай 9 агьали хуьруьн майишатдал машгъул я.
. И уьлкведа гьар кьве йисалай Африкадин виридалайни машгьур кинофестиваль кьиле физва. И гегьенш мярекатди вири континентдин режиссерар, критикар агудзава.
. «Хъипи металл» хкудунин жигьетдай 2021-йисуз и уьлкведи Африкада кьуд лагьай чка кьуна.
. Буркина-Фасодин лап чIехи шегьер Бобо-Диуласо я.
. Ина вагьши гьайванрин кьадар къвердавай тIимил жезва.
. Буркина-Фасодин мулкара кьуд милли парк ва игьтият патал хуьзвай махсус чкаяр ава.
. И уьлкведин агьалийрин чIехи пай мусурманар я.
. Гзаф мулкар кьериз тарар ва кул-кусар авай чкаяр я.
. Уьлкведа виридалайни гзаф менфят къачузвай улакь велосипед я. Кесибвилелди яшамиш жезвайвиляй абуру ужуз улакь хкязава.
. Уьмуьрдин шартIар хъсанбур тахьунихъ ва медицина зайиф хьунихъ галаз алакъалу себебралди Буркина-Фасода 65 йисалай виниз яшара авай агьалияр саки авач.
«Лезги газет»
