Са шумуд югъ идалай вилик Москвадин областдин Мытищи шегьерда, Аму Къарибован экуь къаматдиз бахшна, азаддаказ кьуршахар кьунай 1-турнир кьиле тухвана. Ана республикадин шегьеррайни районрай тир гзаф кьадар спортсменри гьасиррал чпин устадвал ва алакьунар къалурна. Къизгъин ва итижлу бягьсера гъалибвилер къазанмишайбуруз пулдин еке пишкешар гана.
Мытищи шегьердин администрациядин физический культурадин ва спортдин рекьяй управленидин начальник Дмитрий Германа къейд авурвал, машгьур тренердин экуь къаматдиз бахшнавай и турнир гьар йисуз, гьакI Вирироссиядин дережада аваз кьиле тухун планрик ква.
РикIел хкин: Аму Къарибован ери-бине Докъузпара райондин Миграгърин хуьр я.
Рагнеда Рамалданова
