Буржи кьилиз акъудиз

Дагъустанда зулун призыв га­тIун­­на­­вай­дакай чна газетдин ви­лик­ квай нумрайрикай сада­ хабар ганай­. Алай вахтунда республика­дин­ жуь­реба-жуьре шегьер­рай­ни­ районрай жегьилар, Ватан­дин­ вилик чпин хивевай­ буржи­ кьилиз акъудиз, армиядин жер­­гейра къуллугъиз физва.
Мукь­вара СтIал Сулейманан райондайни РФ-дин Яракьлу Къуватрин жергейра къуллугъиз 13 кас рекье гьатна. Абурухъ галаз муниципалитетдин кьилин сад лагьай заместитель Лацис Оружевани военный комиссар Райзудин Женетова гуьруьш кьиле тухвана. Абуру жегьилрив военный билетар вахкана ва армиядин жергейра къуллугъ авун уьмуьрдин кар алай вахтарикай тирди къейдна.

«Куьне куьн хуьх, куьн Ватан хуьзвай кьегьалар тирди рикIелай алудмир! Армияди эркекар халис ватанпересар хьиз лигимарзава. Гьар са карда викIегь хьухь ва квел ихтибарзавай везифаяр кьегьалвилелди кьилиз акъуд. Армияда къуллугъ авун неинки дамахдай кар, гьакI чIехи жаваб­дар­вални я. Чна квел дамахзава. Квез югъур­ хьурай!» — жегьилрихъ элкъвена, лагьана     Л. Ору­жева.

Зулун призывдин сергьятра аваз, Да­гъус­тандай армиядиз 3500-дав агакьна жегьилар фида. Абуру Украинада кьиле физвай махсус серенжемда иштиракдач.

Чи  мухбир