РФ-дин Госдумадин туризмдин ва туризмдин хел вилик тухунин рекьяй кардик квай комитетдин председателдин заместитель Татьяна Лобача алай йисуз туристрин кьадар гзаф хьанвай регионрин тIварар кьуна. Идакай ТАСС-ди хабар гузва.

«Туристрин кьадар артух хьунин жигьетдай Тывада, Рязандин ва Калугадин областра, Якутияда, Чечняда, Дагъустанда ва Кеферпатан Осетияда хъсан нетижаяр хьанва», — лагьана ада, алай йисан гатун туризмдин сезондин агалкьунрикай рахадайла.

Адан гафаралди, туроператорри цIи туристрин арада виридалайни машгьурбурукай сад тир Сочи шегьердиз, вилик йисарив гекъигайла, тIимил туристар атанвайди къейднава.

Т. Лобача алава хъувурвал, Россиядиз къецепатан уьлквейрай къвезвай туристрин кьадарни гзаф хьанва. Кьилди къачуртIа, гатун варцарин нетижаяр фикирда кьуртIа, и рекъем 1, 65 миллиондив агакьнава.

ЦIи Дагъустандиз атай туристрин арада виридалайни машгьур чкайрин арада Дербентдин фонтан, шегьердин къадим къеле, Сулакдин дагьар, Самурдин там, Салтадин чарчар, Куьгьне Кагьиб хуьр, Ахцегь район, Гоор хуьруьн минараяр, къумадин «Сарыкум» кIунтI ава.

Агьмед Магьмудов