Мавлуд Ярагьмедов

(1934 — 2001)

Ам Кьасумхуьруьн райондин Вини Арагъ­рин хуьре дидедиз хьана. Азербай­жандин госуниверситет акьалтIарай ада яр­гъал йисара Бакуда Низамидин тIвару­­нихъ галай литературадин инсти­тутда илимдин чIехи къуллугъчи­ яз кIва­лахна. Ада Азербайжандинни Да­гъус­тан­дин лите­ратурадин алакъаяр, Етим Эминан ярат­мишунрин са бязи месэлаяр ахтармишна.

Филологиядин илимрин доктор Мавлуд Ярагьм­едов лезги литературадикай кхьенвай цIудралди макъалайрин, рецен­зийрин автор я. Азербайжан ва урус чIала­рал адан ихьтин ктабар акъатнава: «Ва­къиф­ ва Етим Эмин» (1980), «Эмирали ва Ихрек Режеб» (1980), «Азербайжандинни Дагъустандин литературайрин алакъайрин тарих» (1985), «Азербайжандин шиират ва Етим Эмин» (1992). М. Ярагьмедован илимдин кIвалахрин арада 1987-йисуз­ акъатай «Дагъустандин савкьатар» ктабди кьетIен чка кьазва. И ктабда туьрк чIа­лал яратмишай 51 лезги шаирдикай малуматар ва абурун 150-далай виниз эсерар гьатнава.

«Лезги газетдин» 2024-йисан 38-нумра