7-сентябрдиз Россиядин Игит Муслим Муслимов вичин чIехи бубайрин хайи хуьруьз — СтIал Сулейманан райондин Сайтархуьруьз хъфенвай. Чпин хуьруьнви кьегьал хцин гьуьрметдай агьалийри вижевай мярекат тешкилнавай. Ам вири халкьдин чIехи сувар хьиз кьиле фена. Гзафбуру Игитдин тIварцIихъ хуш келимаяр лагьана, адан алакьунар, викIегьвилер къейдна.

Украинада кьиле физвай дяведин махсус серенжемда Муслим Муслимова къалурнавай кьегьалвилер неинки адан хуьруьнвийрин, гьакIни вири дагъустанвийрин дамахдиз элкъвенва. Игитдин гьуьрметдай межлисар республикадин жуьреба-жуьре пипIера тешкилзава.

Мярекатдилай кьулухъ Муслим Мусли­мова хуьруьнвийрихъ галаз суьгьбетарна­, мукьва-кьилийрин, миресрин, къуншийрин­ кIвалериз илифна. Игитди алай девирда­ акьалтзавай несилриз ватанпересвилин­ тербия гун кар алай месэлайрикай сад ­тирди, уьлкведин битаввал, сергьятар хуь­нихъ галаз санал хайи Ватан вири рекьерай ­вилик тухунни важиблу кар тирди къейдна. Ада гьакIни хуьруьнвийриз вичин­ къул­лугъдикай, СВО-да иштиракзавай жуь­реба-жуьре миллетрин векилрикай тир ас­керрин арада авай дуствиликай итижлу суьгьбетар авуна.

Агьмед Магьмудов