Яргъал йисара «Лезги газетдин» редакцияда таржумачивиле ва махсус мухбирвиле кIвалахай журналист, «РД-дин культурадин лайихлу работник» лагьай гьуьрметдин тIвар къачунвай сад лагьай бахцугъви Шагьисмаил Мирземетович Гьажимирзоеваз:
Шагьни я вун чаз, Исмаилни я.
Герек вядеда дуст, майилни я.
Чида гьикI гъидатIа хатурни гьуьрмет,
Агудда крар текъвервал туьгьмет.
КвайтIани вилик гьикьван генг рекьер,
Вуна газетдиз чIугуна ви пер.
Таржумачи яз, гьикаятчи яз,
Къуватда туна хайи чIалан наз!
Несилрив гума гьихьтин адлу ирс,
ГьакI тефейди вахт ийизва къе гьисс.
«Чидайдан» хва я, таъсиблу буба,
РикIик мадни ква мурадар зурба.
Экуьбур хьурай хквезмай яшар,
Ваз гьалал я, хва, твах абур баша!
Ваз хайи югъ тебрикзавай «Лезги газетдин» редакциядин коллектив.
Патав Казим, Алаудин, Даир, Мерд Али — зирек дирекарни гваз…
