Аллагьди гайила, незни чир хьана кIанда.

Ам жугъун алачир сал хьтинди я.

Ашкъидин дердини инсан, цикай магьрумнавай тар хьиз, кьурурда.

Бес чинихъ астIарни авачни кьван?

Буй хьанатIани, акьул хьанач касдихъ.

Бахт гьамиша жуван вилик кутаз алахъ.

Бахтунин чатухъан жувни хьана кIанда.

Бахт вич-вичелай гъиле гьатдай къуш туш.

Бахтуни гайила, сарар къуьруь хьанвай кьван.

Базардин экономикади яшайишдин кIвалер, гьаятар туьквенриз, базарриз, кафейриз, салонриз элкъуьрна.

Базаррикай зегьметчияр бизар хьайи замана.

Бахт хъуьрейла, ламракни лувар акатда.

Бахт, бахт лугьуз, ам я атанач, я акунач, вахтни фена.

Нариман  Ибрагьимов