Агьалийривай гила МФЦ-дай электронный къул туькIуьриз ва сертификат къачуз жеда. ТIвар кьунвай къулариз квалификационный (ва квалифицированный тушир) гужлу электронный къул — УКЭП (УНЭП) — лугьузва.
Къул «Госключ» приложенида ишлемишзава ва ада иесидиз жув яргъа аваз, юзан тийидай объектар регистрация ийидай, маса гунин-къачунин икьрарар туькIуьрдай ва икI маса крар кьилиз акъуддай мумкинвал гузва.
Электронный къул 1 йисан муддатда къуватда жеда. Сертификатдин вахт куьтягь хьайила, гележегда «Госключ» приложение ишлемишун патал цIийиди вахчун герек жезва.
МФЦ-дин идарайрай электронный къул къачун патал ихьтин документар герек жезва:
РФ-дин ватандашдин паспорт;
телефонда кардик кутунвай «Госключ» приложение;
«Госкъуллугъар» порталда жув тестикьарнаваз хьун (авачиз хьайитIа, и кар МФЦ-дани кьилиз акъудиз жеда).
Электронный къулуниз талукь къуллугъ пулсуздаказ кьилиз акъудзава.
ИНН — МФЦ-дай
ИНН (идентификационный номер налогоплательщика) — им инсандиз са сеферда гузвай, гьатта фамилия ва я тIвар, яшамиш жезвай чка ва я паспортдин делилар дегишарайтIани, амукьзавай хсуси нумра я.
И документ агъадихъ галай дуьшуьшра герек жезва:
кIвалахал акъваздайла;
къазанжидин кьадар малумардайла (декларация);
хкудай налогар вахчунин мумкинвиликай менфят къачудайла;
жуьреба-жуьре кьезилвилер, пособияр тайинардайла;
бизнес ва ИП (хсуси карчивал) регистрация ийидайла;
кредит къачудайла.
Сифте яз ва я тикрарна ИНН къачуз кIанзавайбурувай, яшамиш жезвай чкадилай аслу тушиз, «Зи документар» (МФЦ) идарадиз физ жеда. И къуллугъ пулсуздаказ кьилиз акъудзава. Арза вуганвай агьалидин ИНН кIвалахдин 7-10 йикъан къене туькIуьрзава.
«Лезги газет»
