МВД-дин хроникадай
Махачкъала шегьердин Советский райондин ОКОН-дин (наркотикар ишлемишунал гуьзчивал тухузвай отдел) къуллугъчийри региондин УФСБ-дин къуллугъчийрихъ галаз санал кьабулай серенжемрин нетижада Азербайжандин 30 йисан яшда авай агьали кьуна. Адал Махачкъалада наркотик квай эфедронар чинебан чкайра хуьнай шак фенва. Идакай РД-дин МВД-дин пресс-къуллугъди хабар гузва.
Шак физвайди кьурдалай кьулухъ полицейскийри ада наркотик квай затIар чуьнуьхнавай чкаяр тайинарна. Ам отделдиз хутахна, винел акъатай затIар ахтармишун патал ракъурнава. Адавай 576,73 гр заланвал авай синтетикадин наркотикар вахчуна. Силисдин кIвалах давам жезва.
«Лезги газет»
