Мукьвара Грозный шегьерда грэпплингдай Россиядин чемпионат кьиле фена.

«Лезги спорт» порталди хабар гузвайвал, акъажунра дагъустанви спортсменри жуьреба-жуьре дережадин 12 медаль къазанмишна. КIвенкIвечи чкаяр кьурбурун арада чи ватанэгьлияр тир Гьабиб Атлуевни Артур Агъаширинов (бинеяр — Ахцегь райондай) авай. Абур кьведни кишпирдин медалриз лайихлу хьана.

*  *  *

И йикъара Абу-Дабида (Арабрин Сад хьанвай Эмиратар) ММА-дай «UAE WARRIORS 51» лишандик кваз турнир кьиле фена. Ана чи ватанэгьли, бине КцIар райондай тир Али-Искандер Алиевани иштиракна.

Бельгиядай тир спортсмен Рустам Сербиевахъ галаз кьиле фейи бягьсина чи ватанэгьлиди (судьяйрин къарардалди), гъалибвал къачуна.