31-июлдиз РД-дин Кьил Сергей Меликов СтIал Сулейманан райондиз мугьман хьана. Ина алай вахтунда инвестицийрин са шумуд проект кьилиз акъудзава. Региондин Кьил абурухъ галаз мукьувай таниш хьана.
Муниципалитетда уьмуьрдиз кечирмишзавай проектрикай сад вичин умуми къимет 3 миллиард манатдиз барабар тир сагъламвал мягькемар хъийидай центр я. Сергей Меликовахъ галаз санал проект кьилиз акъудзавай гьалдихъ галаз инвестор Фируза Керимовани таниш хьана.
Туризмдинни сагъламвал мягькемар хъийидай «Кпул-ятар» комплекс Кьулан СтIалрин хуьре кардик акатда. Санаторийдин вири объектрин умуми майданди 5 агъзур кв.метр тешкилда.
Къейд ийин хьи, алай вахтунда ина чилихъ галаз алакъалу кIвалахар тамамарзава, устIарар, фялеяр патал махсус чка эцигзава, бетондин завод кардик кутунва. Вилик 80 чка авай мугьманхана, адалай кьулухъ коттеджар эцигун ква.
