Алиев Къейседин

(1934–2012)

Ахцегьа дидедиз хьайи Алиев Къейседина­ Мос­квада хуьруьн майишатдин институт акьал­тIарна, аспирантурада кIел хъувуна, техникадин илимрин кандидатвилин диссертация хвена. Къейсе­дин Бейдуллаевича яргъал йисара Кас­пийскдин «Дагдизель» заводда чIехи ин­женер-конструкторвиле кIвалахна, Да­гъустандин по­литехнический институтдин филиалда тарсар гана.

Къ. Алиеван сифтегьан шииррин­ «Югъни йиф» кIватIалдиз 1952-йисуз­ дуьнья акуна. Адан са кьадар эсерар урус чIалазни таржума авунва. Шаир­ рагьметдиз фейидалай кьулухъ, 2015-йисуз, адан «Фана дуьнья» ктабни кIелзавайбурув ­агакьна.

Гьабибов Геннадий

(1934–1979)

Ам Кьасумхуьрел дидедиз хьана. Да­гъус­тан­дин медицинадин институтда ва аспирантурада кIелна, илимрин­ кандидатвилин диссертация хвена. Духтур-психиатр яз, Геннадий Абдуллаевича Герейханован совхоздин, ахпа­ Махачкъаладин кьилин азарханайра кIва­лахна, вичи кIелай институтда студентриз тарсар гана.

Г. Гьабибова урус чIалал кхьей зарафатдин ва сатирадин куьруь гьикаяяр республикадин газет­ризни журналриз акъатна. Са актунин пьесайрин автор яз, ада Москвада кьиле фейи Вирисоюздин драматургрин совещанидани иштиракнай. Писателдин эсерар кьве томдикай ибарат «Гуьзелвилин сир» ктабда гьатнава. Адан са жерге эсерар А. Ражабова ва Я. Яралиева лезги чIалазни элкъуьрнава.