Мегьарамдхуьруьн мектебдин ученик Вирироссиядин «От ГТО к рекордам» вирироссиядин конкурсдин приздин сагьиб хьана. И гьакъиндай Инстаграмда авай Мегьарамдхуьруьн райондин администрациядин пресс-къуллугъдин чини хабар гузва.
Мегьарамдхуьруьн 1-нумрадин юкьван мектебдин ученик Бедирхан Абдурагьимова аялринни жаванрин видеофильмайрин конкурсда кьвед лагьай чка кьуна.
«Макьсаддив агакьун» тlвар алай фильм ученикди мегьарамдхуьруьн 1-нумрадин мектебдин физкультурадин муаллимар тир Жасмина Халидовадихъ ва Рита Бухсаевадихъ галаз гьазурна. И кьве муаллимни ССИТ-2017 Къизилдин сертификатдин сагьибар я. Абуру вири конкурсра агалкьунралди иштиракзава. И муаллимар военный ва ватанпересвилин «Зарница» къугъунрин гъалибчи командадин, Президентдин спортдин акъажунрин ва хейлин маса конкурсрин призрин сагьибдин командадин муаллимар-тренерар я. Муаллимри бегьерлувилелди кlвалахзавайвиляй абурун ученикрихъ гегьенш майданра агалкьунарни жезва.
«Лезги газет»
