Сагълам уьмуьр, спорт машгьур авунин макьсаддалди Сулейман-Стальский районда хейлин кlвалахар кьилиз акъудзава. Икl, райондин жегьилрин парламентдин теклифдалди и йикъара Кlахцугърин хуьре спортдин майдан тешкилдайвал я. И гьакъиндай «Лезги газетдиз» райондин администрациядин пресс-къуллугъди хабар гузва.

Сулейман-Стальский райондин кьил Нариман Абдулмуталибова абурун теклиф хушдиз кьабулна. алай вахтунда тlвар кьунвай хуьре воркаут-майдан арадал гъунин кlвалахар саки акьалтlарзава. Майдан туькlуьрун патал герек кьадар чилни чара авунва.

Къейд ийин, Сулейман-Стальский райондин 9 хуьре ихьтин майданар туькlуьрнава.  Райадминистрациядихъ воркаут-майдандин патав волейболдин майдан тадаракламишунин фикирни ава.

«Лезги газет»