ЦIи Дагъустандин халкьдин шаир Байрам Салимов дидедиз хьайидалай инихъ 95 йис тамам хьанва. И вакъиадиз талукьарна, алатай гьафтеда Да­гъустандин писателрин Союзда элкъвей стол кьиле фена.

Мярекатда иштиракай РД-дин писателрин Союздин председатель Марина Агьмедовади, шаирар тир Шейит-Ханум Алишевади, Мердали Жалилова, Зульфикъар Къафланова, Бикеханум Алибеговади ва масабуру Байрам Салимовахъ галаз санал кIвалахай йисар, адаз хас ерияр, уьмуьрдай бязи легьзеяр рикIел хкана.

Дагъустандин писателрин Союздин милли секцийрин регьберар тир Сувайнат Куьребеговади, Гьамзат Изудинова, Супьян Омарова, Муса Багомедова, Байрам Салимова Дагъларин уьлкведин эдебият вилик финик еке пай кутурди, ада тунвай девлетлу ирс хуьн ва къвезвай несилрални агакьарун герек тирди къейдна.

Лезги писателрин секциядин­ регьбер Максим Алимова кьи­ле­ тух­вай, и мярекатда гьакI­ни ­Р. Гьам­­­­затован тIварцIихъ галай­ ктаб­­ханадин къуллугъчи Секинат­ Мусаевади, ДГУ-дин муаллимри­ ва масабуру иштиракна. Байрам­ Салимован экуь къамат рикIел­ хуьнин лишан яз, газет кIел­за­вай­буруз адан виридалайни­ машгьур шииррикай сад тир «Асия­тан жалоба» эсер теклифзава.

Байрам  Салимов

Асиятан жалоба

Зун публично оскарбитна Асада,

Свадьбада любимый дочь тухузвай.

Ада народ собрать хьанвай чкада,

Родной язык не знаю я лугьузвай.

 

Лугьузвай хьи, родной чIал чир тавуртIа,

Урус чIални невозможно усвоить.

Бес кто я, кьве чIаланни гъавурда

Авай, ийиз кьве языкни удвоить.

 

Лезги чIалан газеты не читаю,

Ну и что, это не есть чIуру кар.

Ложь не люблю, правдой я питаюсь.

Я лезгинка, куьн я вири урусар.

Агьмед  Магьмудов