«Чи девирдин игитар» конференциядин сергьятра аваз кьилдин майданрал жуьреба-жуьре месэлайрин патахъай гуьруьшар кьиле фена. СВО-дин иштиракчияр ва абурун хизанар чилин участокралди таъминарунин месэладай агьалияр РД-дин Гьукуматдин Председателдин заместитель — чилин ва эменнидин алакъайрин министр Заур Эминов кьиле авай дестеди гъавурдик кутуна.
Кьилди къачуртIа, дяведин махсус серенжемдин иштиракчийриз, гьакIни абурун багърийриз СВО-дин иштиракчийриз чилин участокар гуниз талукь цIийи законопроектдикай ихтилатна. Министерстводин векилри иштиракчияр документар кьабулунин тегьердин, кандидатар хкягъунин гьакъиндай галай-галайвал гъавурда туна, гьар са месэла кьилди гьялна, арзаяр вугудайбурун хсуси делилар фикирдиз къачуна.
ТIвар кьунвай министерстводин делилралди, гуьруьшда иштиракайбуруз цIийи закондихъ галаз алакъалу кар алай месэлаяр мад сеферда веревирд хъувун патал 28-июндиз кьвед лагьай гуьруьшдал атун теклифна. Ана республикадин муниципалитетрин регьберрини иштиракдайвал я.
Салим Салимов
