СтIал Сулейманан райондин кьилин жемиятдин хатасузвилин рекьяй заместитель Абуталиб Фатулаев и йикъара СВО-дин иштиракчи, мотострелковый батальондин инженервилин къуллугъдин начальник Жамбул Алимовахъ галаз гуьруьшмиш хьана. Идакай чаз чкадин администрациядин пресс-къуллугъди хабар гана.
Ж.Алимов НуьцIуьгърин хуьряй я. Идалай вилик ада «Вагнер» ЧВК-да къуллугъна. Дяведин махсус серенжемда ада са шумуд сеферда викIегьвал къалурна.
Гуьруьшдал ам яшайишдинни дуланажагъдин бязи месэлаяр веревирд авун патал вичин чIехи бубани галаз фенвай. Аскерди НуьцIуьгърин Етим Эминан тIварцIихъ галай куьчеда газдин линия цIийи хъувун, куьчедиз чиргъ вегьин тIалабна.
А.Фатулаева къуллугъда жуьрэтлувал къалурунай Жамбулаз ва Ватан хуьдай кьегьалдиз тербия гунай адан чIехи бубадиз сагърай лагьана. Адан тавакъу кьилиз акъуддайвал я.
Чи мухбир
