И йикъара Ахцегь райондин админис­т­рацияда Дагъустандин 2023-2024-йисарин сезондин школайрин футболдин лига­да приз­дин чка кьур Ахцегьрин ва Луткунрин юкьван школайра кIелзавай аялар, абуруз­ физ­культурадин тарсар гузвай муаллимарни тренерар шад гьалара кьабулна. КIватI хьанвайбуру аялрин тIварунихъ чи­ми келимаяр лагьана, райондин кьил Абдул-Керим Палчаева абурув дипломар, кубокар, чухсагъулдин чарар, пишкешар вахкана.

Школайрин футболдин лигада виридалайни хъсан полузащитник, командадин ка­питан Валерия Бочаровади жегьил футболистрин ва футболдин «Ахцах» ДЮСШ-дин тIварунихъай райондин кьилиз сагърай лагьана ва адаз Палчаев фамилия кхьенвай футболка пишкешна. Идалди Аб­дул-Керим Нажмудинович чпин командадин алава къугъвадайди тирди къейдна­.

Рагнеда Рамалданова